Tungi rejim
Telegramga xabar qanday ulanadi?
Qisqacha javob: my.topsavdo.uz → Telegram bo'limi → ko'rsatilgan botni oching va ulanish kodini yuboring. Shundan keyin do'koningiz haqidagi xabarlar Telegramga keladi.
Nima haqida xabar keladi
- Kunlik yakun — har kuni o'zingiz tanlagan soatda (standart 21:00, botdagi ⚙️ Sozlamalar → ⏰ Kunlik digest): bugungi savdo, cheklar soni, o'rtacha chek, to'langan summa va 📈 Sof foyda. Foyda — bosh sahifadagi bugungi «Sof foyda» bilan aynan bir xil son, u esa Foyda-zarar hisobotidagi bugungi **«Sof foyda»**ning o'zi (qaytarilgan tovar, tannarx, bugungi xarajatlar, keshbek, kassa kamomadi va buzilgan tovar ayrilgan; bir nechta filial bo'lsa — hammasining yig'indisi); zarar bo'lsa minus bilan chiqadi. Bugun tannarxi kiritilmagan (0 so'm) tovar sotilgan bo'lsa, ostida izoh chiqadi — masalan «⚠️ Tannarxi kiritilmagan 2 ta tovar sotildi — foyda aslidan ko'p ko'rinishi mumkin»: bunday tovarning butun narxi foyda bo'lib sanalgan. Xuddi shu xulosani botga /bugun yozib istalgan payt olasiz. Muddat yuritiladigan tovar bo'lsa (do'kon sozlamasida muddat yuritish yoqiq), oxirida bitta qator — muddati o'tgan va muddati yaqinlashgan tovarlar soni (masalan «⏳ Yaroqlilik muddati: o'tgan — 2 ta tovar, yaqinlashgan — 5 ta tovar»); ikkalasi ham nol bo'lsa bu qator chiqmaydi. Qaysi tovarlar ekanini Hisobotlar → Ombor holati → «Yaroqlilik muddati» da ko'rasiz: Yaroqlilik muddati;
- Smena yopilganda — kim yopdi, qancha savdo, farq bo'ldimi; smena kassa dasturida internetsiz ochilgan yoki yopilgan bo'lsa, xabar internet qaytgandan keyin keladi, unda «📴 Internetsiz ochilgan» (yoki «yopilgan») qatori va smenaning asl vaqti turadi. Ziddiyat bo'lsa (masalan, shu kassada bir vaqtda boshqa smena ham bo'lgan) «⚠️ Ziddiyat» qatori sababi bilan chiqadi — kamomad hisobga o'zi yozilmaydi, saytda tekshirib tasdiqlaysiz;
- Shubhali sotuv — kassa internetsiz dona tovarni kasrli miqdorda sotganda (masalan «Kassa internetsiz «Non» ni 2.5 dona sotdi — dona tovar butun son bo'lishi kerak. Sotuvni tekshiring.»), qaysi kassa va qachon sotgani bilan. Kassa internet qaytib sotuvlarni birdan yuborsa ham — bitta xabar. Shubhali sotuvning boshqa sabablari (zararga sotuv, ruxsatsiz chegirma va h.k.) hozircha faqat Topsavdoning o'zidagi bildirishnoma bo'lib keladi;
- Katta chegirma yoki bekor qilingan chek;
- Qoldiq tugab qolganda;
- Qarzdorlar, xarajatlar va yangi buyurtmalar (xariddagi do'kon ehtiyoji xarajati va ombordan «Do'kon ehtiyoji uchun» chiqarilgan tovar xarajati alohida xabar bo'lib kelmaydi — ular kassadan chiqqan pul emas, xarid yoki hisobdan chiqarish hujjatining bir qismi);
- Boshqa do'konga bergan buyurtmangiz — sotuvchi uni tasdiqlasa, rad etsa (sababi bilan), bekor qilsa, bajarsa yoki qayta ochsa. Bajarilganda do'koningizda xarid hujjati ochiladi — xabar buni ham eslatadi, tovar kelganda uni qabul qilasiz. Xuddi shu xabar Topsavdoning o'zida ham (Bildirishnomalar) turadi;
- Shikoyat / taklif — mijoz do'koningizning Telegram botiga shikoyat yoki taklif yozsa, u darhol sizga keladi: kim yozgani (mijozlar bazasida bo'lmasa — shunday deb ko'rsatiladi), matni va rasm biriktirilgani. Batafsil: Mijozlar uchun Telegram bot;
- Obuna muddati — tugashiga 3 kun va 1 kun qolganda hamda tugagan kuni, to'lov tugmalari bilan; to'lov o'tgach — «✅ To'lov qabul qilindi». Bu xabarlar sozlamada o'chirilmaydi: ular kelmasa obuna to'xtaganini kech bilib qolasiz. Batafsil: Tarif va obuna.
Qaysi xabarlar kelishini botning o'zidan tanlaysiz: botda ⚙️ Sozlamalar (yoki /sozlama) buyrug'ini bering va keraksiz turlarni o'chirib qo'ying. Yaroqlilik muddati qatori alohida tur emas — u 📊 Kunlik xulosa ichida keladi. Kelgan buyurtmalar ham, o'zingiz bergan buyurtmaning holati ham bitta 🛒 Buyurtmalar turiga bo'ysunadi. Shubhali sotuv xabari 🧾 Sotuvlar dan alohida — ⚠️ Shubhali sotuv turi: har sotuv haqidagi xabarni o'chirib qo'ysangiz ham, ogohlantirish kelaveradi.
Bu sozlama faqat Telegramga tegishli. Topsavdoning o'zidagi Bildirishnomalar ro'yxati alohida sozlanadi: Bildirishnoma sozlamalari.
Bot orqali so'rash
Botga savol yuborib, javob olish mumkin — masalan bugungi savdo, qoldiq yoki qarzdorlar ro'yxati. Do'konda bo'lmaganingizda ham holatni bilib turasiz. /obuna — obuna qachongacha ekani va uni to'lash tugmalari.
Kim xabar oladi
Odatda faqat rahbar. Bir nechta odam (masalan sherik yoki buxgalter) ulanishi ham mumkin.
Ulanish qachon uziladi
Bot ulanishi hisobingizga kirish bilan teng: ulangan chat qarzdorlar ro'yxatini, savdo va foydani ko'radi, xarajat yoza oladi. Shuning uchun ulanish quyidagi hollarda o'zi uziladi:
- parolingizni o'zgartirsangiz — barcha ulangan chatlar uziladi va hali ishlatilmagan ulanish kodlari ham yaroqsiz bo'ladi. Botni o'zingizning Telegramingizga qaytadan ulang (yangi kod oling);
- hisob o'chirilsa — bot o'sha hisob nomidan hech narsa ko'rsatmaydi va xabar yubormaydi.
Ulanishni bitta chatdan uzish uchun o'sha chatda botga /uzish yuboring. Chat qo'lingizda bo'lmasa (masalan sherigingiz telefoni) — saytda Sozlamalar → Profil → «Kirilgan qurilmalar» → «Ulangan dasturlar»: har ulangan chat «Telegram · @username» qatori bo'lib turadi, yonida oxirgi marta qachon ishlatilgani. «Uzish» ni bosing — o'sha chatga xabar kelishi to'xtaydi, bot u yerda hisobot bermaydi (Kirilgan qurilmalar).
Begona odam ulanib olgan deb shubha qilsangiz — parolingizni o'zgartiring: bu barcha ulanishlarni birdaniga uzadi. «Kirilgan qurilmalar» dagi «Hammasidan chiqish» ham botlarni uzadi, lekin faqat tasdiq oynasida «Telegram bot va AI ulanishlarini ham uzish» katakchasi belgilansa.
Xabar kelmayapti
- Bot bloklanmaganmi — Telegramda botni oching va tekshiring;
- Sozlamalarda xabar turlari yoqilganmi;
- Ulanish kodi to'g'ri yuborilganmi — qaytadan ulanib ko'ring.