Topsavdo qo‘llanma

Tungi rejim

Mijoz qarzini to'ladi — qanday kiritaman? ​

Qisqacha javob: Mijozni toping → to'lovni qabul qilish amalini tanlang → summani va to'lov turini kiriting → tasdiqlang. Pul kassaga tushadi, qarz shu summaga kamayadi.

Bu sahifa mijoz sizga qarzdor bo'lgan holat haqida. Siz bankdan yoki tanishdan qarz olgan bo'lsangiz — u boshqa bo'limda yuritiladi va qaytarilishi xarajat sifatida yozilmaydi: Do'konning o'z qarzi.

Qadamlar ​

  1. Mijozni toping — kassa dasturida yoki saytdagi Mijozlar bo'limida.
  2. To'lovni qabul qilish amalini tanlang.
  3. Summani kiriting. To'liq yoki qisman bo'lishi mumkin.
  4. To'lov turini tanlang: naqd, karta yoki o'tkazma.
  5. Tasdiqlang.

Nima bo'ladi ​

  • Mijozning qarzi kamayadi;
  • Naqd to'lov kassaga tushadi va smena hisobotiga kiradi;
  • Karta yoki o'tkazma tegishli hisobga tushadi;
  • Mijoz kartochkasida to'lov tarixi qoladi;
  • Mijozning keshbek foizi bo'lsa — to'langan summaga mos keshbek shu payt qo'shiladi (qarzga sotilganda u ushlab turilgan edi);
  • Do'konning mijozlar boti ulangan va mijoz unga ulangan bo'lsa — unga to'lov tasdig'i Telegramga boradi.

Muhim: qarz to'lovi qaysi kunga tushadi ​

To'lov qabul qilingan kunga tushadi, tovar sotilgan kunga emas. Ya'ni o'tgan hafta qarzga sotilgan tovar puli bugun kelsa — bugungi kassaga tushadi.

Shuning uchun smena yopishda kutilgan naqd pul qarz to'lovlarini ham hisobga oladi. Bu faqat internet bor holatda to'g'ri ishlaydi — offline yopishda qarz to'lovlari ko'rinmasligi mumkin.

Smenani yopayotganda bu pul «Undirilgan qarz» deb alohida ko'rsatiladi: qancha va kim to'lagani ko'rinadi, ya'ni kassadagi pulning qaysi qismi sotuvdan, qaysi qismi eski qarzlardan ekani aralashib ketmaydi. Batafsil: Smenani yopish va Z-hisobot.

Pul qaysi chekka tushadi ​

Mijozning bir nechta yopilmagan cheki bo'lsa, to'lov eng eskisidan boshlab taqsimlanadi. Birinchi chek yopilgach qolgani keyingisiga o'tadi. Ya'ni chekni qo'lda tanlash shart emas.

Nasiya badalini shu yerdan olmang ​

Mijozda bo'lib to'lash (nasiya) shartnomasi bo'lsa, badalni mijoz kartochkasidagi «Nasiya shartnomalari» kartasidan «Badal to'lash» tugmasi bilan oling.

Sabab: bu sahifadagi umumiy to'lov pulni eng eski qarzdan boshlab taqsimlaydi va u nasiya cheki bo'lmasligi mumkin — pul boshqa chekka tushib, grafik yopilmay qoladi. «Badal to'lash» tugmasi esa pulni aynan o'sha shartnomaning chekiga yozadi.

Batafsil: Nasiya — bo'lib to'lash.

Mijoz ortiqcha to'lasa ​

Qarzidan ko'p to'lasa, ortiqcha summa uning hisobida avans bo'lib qoladi — qarzi manfiy raqamga o'tadi. Keyingi xaridida shundan yechiladi.

Kassada «Mijoz hisobidan» to'lov tanlanganda avval uning keshbegi sarflanadi, keshbek tugagach avansi ishlatiladi — ikkalasi alohida yuritilgani uchun kassir qaysi qancha qolganini ko'rib turadi.

Tez-tez uchraydigan savollar ​

Bir necha chekning qarzini birdan to'lasa? Summani kiritasiz, u umumiy qarzdan yechiladi — eng eski chekdan boshlab. Chek bo'yicha ajratish shart emas. Istisno — nasiya badali: uni shartnoma kartasidagi «Badal to'lash» tugmasi bilan oling.

Xato summa kiritdim. To'lovni bekor qilish yoki to'g'rilash mumkin — bu huquq odatda rahbarda.

Mijoz tovar bilan qaytardi (pul o'rniga). Bu qaytarish: Tovarni qaytarish. Qarzga sotilgan tovar qaytarilsa, qarz o'zi kamayadi. Nasiya shartnomasi bo'lsa, qolgan badallar grafigi ham o'sha zahoti qayta hisoblanadi — to'langan badallarga tegilmaydi.

Keyingi qadam ​