Naqdni kartaga qanday o'tkazaman?

Qisqacha javob: Kassa dasturida pastdagi «Naqd ↔ Elektron» tugmasini bosing, yo'nalishni tanlang va summani kiriting. Pul kassadan chiqmaydi — faqat naqddan elektronga (yoki aksincha) ko'chadi.

Bu qachon kerak bo'ladi

• Yashikda naqd ko'payib ketdi — kassir uni terminal orqali do'kon kartasiga soladi.
• Mijoz kartaga pul o'tkazib, yashikdan naqd oldi.
• Bankdan naqd yechib, kassa yashigiga qo'yildi.
• Sotuvda to'lov turi noto'g'ri belgilangani keyin ma'lum bo'ldi va kassadagi naqd bilan elektron qoldiq haqiqatga mos kelmay qoldi.

Har qanday holatda umumiy summa o'zgarmaydi — 100 000 so'm naqddan elektronga o'tsa, kassadagi jami pul o'sha-o'sha qoladi.

Kassa dasturida (desktop)

1. Smena ochiq bo'lsin.
2. Ekranning pastki qatoridagi «Naqd ↔ Elektron» tugmasini bosing.
3. Qaysi turdan olinishini tanlang — tugma ostida o'sha turdagi joriy qoldiq ko'rinadi.
4. Summani kiriting. Mavjud qoldiqdan ko'p summa kiritilsa, dastur qabul qilmaydi.
5. Izoh yozing — nima uchun almashtirilganini keyin siz ham, rahbar ham shu yerdan biladi.
6. «Almashtirish» ni bosing.

Internet kerak

Bu amal internetsiz bajarilmaydi — tugma o'chirilgan turadi. Sabab: kassa qoldig'ining yagona haqiqiy nusxasi serverda, oflayn ikki qurilma bir xil pulni ikki marta almashtirib yuborishi mumkin edi. Sotuv esa internetsiz ham davom etaveradi.

Rahbar uchun (web)

Kassa → Kassalar bo'limida har bir kassa qatoridagi ⟳ tugmasi shu amalni ochadi. Seyf uchun ham ishlaydi.

Kassa qatorini bossangiz, «Oxirgi harakatlar» ro'yxatida almashtirish «Pul turi almashtirildi» deb, ostida Naqd → Elektron yo'nalishi bilan ko'rinadi. Uning summasida «+» ham, «−» ham yo'q — chunki pul kelmagan ham, ketmagan ham.

Smena yopishda qanday ko'rinadi

Smena yopish oynasidagi «Pul harakati» jadvalida alohida qator paydo bo'ladi: «Pul turi almashtirildi», naqd ustunida manfiy, elektron ustunida musbat summa bilan (yoki teskarisi). Ya'ni kutilgan naqd summasi shunga yarasha kamayadi — sanaganingiz kam chiqsa, avval shu qatorni tekshiring.

Qatorni bosing — har bir almashtirish alohida ko'rinadi: vaqti, kim qilgani, izohi va summasi.

Qator yonidagi son almashtirishlar soniga qaraganda ikki barobar ko'p ko'rinadi (bitta almashtirish — «(2 ta)»). Sabab: bitta amalda pul bir turdan chiqadi va ikkinchisiga kiradi — jurnalda ikki yozuv. Pul esa kassadan chiqmaydi, shuning uchun ikkalasi bitta qatorda turadi.

Batafsil: Smenani yopish, Kassadagi pul mos kelmasa.

Kim qila oladi

Kassir o'ziga biriktirilgan kassada bemalol qiladi — bu xarajat kiritishdan katta huquq emas, chunki pul do'kondan chiqmaydi. Rahbar esa istalgan kassada, shu jumladan seyfda qila oladi.

Har bir almashtirish kim tomonidan, qachon va qanday izoh bilan qilingani yozib boriladi — o'chirib bo'lmaydi.