Topsavdo qo‘llanma

Tungi rejim

Buzilgan tovarni qanday hisobdan chiqaraman? ​

Qisqacha javob: my.topsavdo.uz → Ombor → Hisobdan chiqarish → Yangi hisobdan chiqarish → tovarlarni va miqdorini tanlang → sababini yozing → Hisobdan chiqarish → Tasdiqlash va hisobdan chiqarish. Qoldiq kamayadi, tovar tannarxi zarar sifatida hisobga olinadi.

Bu bo'lim faqat rahbarga ochiq — xodimning ro'yxatida u umuman ko'rinmaydi, chunki u orqali tovarni hisobdan yo'qotish mumkin.

Qachon ishlatiladi ​

  • Tovar buzilgan yoki muddati o'tgan;
  • Singan, yaroqsiz holga kelgan;
  • Yo'qolgan yoki o'g'irlangan;
  • O'zimiz ishlatdik (do'kon ehtiyoji uchun).

Qadamlar ​

  1. Ombor → Hisobdan chiqarish bo'limini oching, Yangi hisobdan chiqarish tugmasini bosing.
  2. Tovarlarni qidirib qo'shing — bir vaqtda bir nechta tovarni chiqarish mumkin.
  3. Har biri uchun miqdorini kiriting. Qoldiqdan ko'pini chiqarib bo'lmaydi: har qator yonida «bor: ...» deb hozirgi qoldiq ko'rsatilgan.
  4. Sababni yozing — masalan «muddati o'tgan» yoki «buzilgan». Sabab hujjatda saqlanadi va keyin ro'yxatda ko'rinadi.
  5. Hisobdan chiqarish tugmasini bosing — chiqariladigan tovarlar ro'yxati oxirgi marta ko'rsatiladi. Tekshirib, Tasdiqlash va hisobdan chiqarish bilan yakunlang.

Nima bo'ladi ​

  • Qoldiq kamayadi;
  • Tovarning tannarxi zarar sifatida yoziladi;
  • Foyda shu summaga kamayadi;
  • Kim, qachon, nima uchun chiqarganini ko'rsatuvchi yozuv qoladi.

To'plamning alohida qoldig'i bo'lmagani uchun uni bevosita hisobdan chiqarib bo'lmaydi. Buzilgan mahsulot to'plam tarkibidan bo'lsa, o'sha komponentning o'zini hisobdan chiqaring; to'plamning mavjud soni avtomatik kamayadi.

Xato hisobdan chiqardim ​

Tasdiqlagandan keyin buni ilovada o'zingiz ortga qaytara olmaysiz — shuning uchun tasdiqlash oynasida ham «Bu amalni ortga qaytarib bo'lmaydi» deb ogohlantiriladi. Miqdorlarni aynan o'sha oynada tekshirib oling.

Xato bo'lib qolgan bo'lsa, yordam xizmatiga murojaat qiling: @topsavdo_call. Hujjat bekor qilinsa, tovar omborga qaytadi va zarar hisobdan olib tashlanadi.

Yozuvning o'zi hech qachon yo'qolmaydi — «bekor qilingan» deb belgilanadi, ya'ni kim chiqargani va kim bekor qilgani tarixda qoladi.

Nima uchun shunday qilish kerak ​

Buzilgan tovarni shunchaki tashlab yuborib, tizimda qoldirib ketish eng ko'p uchraydigan xato. Oqibati:

  • qoldiq noto'g'ri — tizim «bor» deydi, aslida yo'q;
  • foyda haqiqiydan yuqori ko'rinadi — chunki zarar hisobga olinmagan;
  • inventarizatsiyada tushunarsiz kamomad chiqadi.

Hisobdan chiqarish esa zararni ko'rinadigan qiladi. Oy oxirida qancha tovar buzilib ketganini bilish — narx va buyurtma hajmini to'g'rilash uchun kerak.

Keyingi qadam ​