Tungi rejim
Qurilmalarni ulash
Topsavdo do'konda ishlatiladigan asosiy qurilmalar bilan ishlaydi.
| Qurilma | Nima uchun | Sahifa |
|---|---|---|
| Chek printeri | Xarid cheki, Z-hisobot | Ulash |
| Stiker printeri | Narx yorlig'i, shtrix-kod | Ulash |
| Elektron tarozi | Tortiladigan tovarlar | Ulash |
| Shtrix-kod skaneri | Tez sotuv | Ulash |
| Mijoz ekrani | Mijoz savat va qaytimni o'z ekranida ko'radi | Ulash |
Umumiy maslahatlar
Kassa dasturidan foydalaning. Qurilmalar bilan to'liq ishlash uchun kompyuterga o'rnatiladigan kassa dasturi kerak.
Saytdan nima chiqadi, nima chiqmaydi — bu ikkisi aralashib ketmasin:
- Narx stikeri saytdan bemalol chiqadi. Brauzerning odatdagi chop etish oynasi ochiladi, printerning kompyuterdagi oddiy drayveri yetarli — alohida sozlash shart emas (Stiker printeri);
- Chek saytdan chiqmaydi. Chek server orqali yuboriladi, server esa do'konning ichki tarmog'idagi printerga chiqolmaydi — chek uchun kassa dasturi kerak (Chek printeri).
USB ulanish eng ishonchli. Tarmoq orqali ishlaydigan printerlar ham qo'llab-quvvatlanadi, lekin USB sozlash osonroq.
Sinov chop etishni unutmang. Har bir qurilmani ulagandan keyin sozlamalarda sinov chiqaring — ish vaqtida emas, oldindan tekshirilsin.
Qurilma ishlamayapti
Har qanday qurilma bilan muammo bo'lganda tartib bir xil:
- Qurilma yoqilganmi, chirog'i yonyaptimi;
- Kabel ulanganmi (USB'ni sug'urib qayta uling);
- Sozlamalarda to'g'ri qurilma tanlanganmi;
- Kompyuterni qayta yuklab ko'ring;
- Boshqa USB portga ulang.
Batafsil: Tez-tez uchraydigan muammolar.